دلتنگ خوتوم

زور بُم گِرِهدِه بی کَسی، دی چاره ناچارُم سِتین

هر شُو زَنُم گولِ دلُم آستاره ایشُمارُم سِتین

دنیا پلِشتِ و لیشِ و نَدُونُم کُیه وا ری کُنُم

جون خُوتِ اِز عالم و آدم مُو بیزارُم سِتین

دنیا لِر چَپ ایخوره، وا بی چَواسِه اِی خدا

بَفتِه ز غم سی مو قَوا، تَش وَندِه به کارُم سِتین

دی ناله،ناله،”نِی”،نیا آرمونِ دِلْ دیْ نی وُرا


تِهنا و دلتنگ خُوتُم، رَهدیُ و وِِر دادیم سِتین

نی هُمدُرُنگی سی دلُم سَر وا به شونِ کی بِنُم

خوت،بَردِ غَمچین مُنی، وایای به هِی جارُم سِتین

وایای به هِی جارُم سِتین وایای به هِی جارُم سِتین…